"ondoy" sa rizal.

Malamang naman ay alam nyo na ang mga pangyayari sa Luzon hatid ng bagyong "Ondoy".

Dito sa Jalajala, di naman gaanong nasalanta. May mga bahay na nasira, pero hindi kagaya sa ibang parte ng Rizal. Tumaas lang ang tubig ng Laguna de Bay kaya yung mga bahayan sa baybaying dagat ay inabot ng tubig. Nasira ang tulay sa Quisao, Pililla Rizal kaya ang mga sasakyan ay umiikot pa sa bundok para makaraan. Ang mga tao naman ay maaaring tumatawid sa ginawang tawiran sa tulay at lumilipat na lang ng sasakyan. Passable naman sa mga sasakyan yung daan sa bundok subalit mapanganib sa mga di sanay mag drive. Ang daan naman papuntang Laguna na dadaan sa baryo ay hindi na nadadaanan dahil may landslide sa area ng Mabitac Laguna. May maputik na daanan subalit hindi adviceable na daanan ng mga sasakyan. Pwede lang mga tricycle at motorcycle. Lakad din kung trip nyo.

50 pesos per kilo ang mga bangus. Bumabaha ng bangus. Pwede kang manghingi kung swerte-swerte ka. Pero nakakasawa din ang araw-araw na bangus.

Wala pa namang napabalitang namatay dito sa Jalajala.

Walang signal ang mga cellphone during the storm. Ngayon lang naging stable ang signal pero ang internet connection naman ay walang problema. Hindi rin nagba-brownout. Nawalan lang ng tubig kagabi pero meron na ngayon.

Tuloy ang Fiesta bukas. May D'Dalaylay Festival featuring street dancers bukas na pinaghandaan ng bawat baranggay. Sana lang ay hindi umulan. Piktyur-piktyurs soon.

Kanina nga pala ang last day ng SMPS Foundation day. Will post pictures too. Pero baka bukas na, kakain muna ako ng inihaw na bangus. Yummmm...

gma7's "born to be wild" sa brgy. paalaman

"Sa mga liblib na barrio, ang mga tao at hayop ay magkatuwang sa trabaho. Kaya hindi maiwasang magkasakit o masugatan ang mga hayop. Sa Jalajala Rizal, lubhang apektado ang ilang hayop dahil sa nagdaang mga bagyo. Pero wala silang kakayanang dalhin ang mga ito sa isang beterinaryo. Kaya naman doctor to the barrio si Doc Ferds ngayong Miyerkules. Sa tindi ng pangangailangan, pila-pila ang mga tao dala ang kanilang mga kabayo para matingnan ng ating resident vet." - video courtesy of BORONGDALAG

With interview kay Brgy. Paalaman kapitan Rolando Kasilag at Miller de Castro.

buhawing malaki

Kupo, di kayo maniniwala aba. Banglake ng ipoipo sa Jalajala nuong isang linggo, August 30. Mantagal na nung huling nakakita ako ng ipoipo/buhawi/twister sa atin, elementary pa ata ako nuon. Tingnan nyo ang kuha ni Hercie.

Oooooohhh, scary...

(photos ni patricia dayao)

Balita ko, binaril daw yung ipoipo para masira. WAT DA?!!! Binaril?

video courtesy of Ricastarla

jalajala fiesta... soon!

Wooohoooooooo!!! September na. Excited ako sa darating na fiesta ng bayan sa September 29, mukhang maraming happenings. May mga street dancing, mga presentations, exhibitions, at televised pa sa TV. Nice! Chance ko ng madiscover.